Februarie 2009

Liewe vennote in die sending

Die jaar 2009 is alreeds ver gevorder en terwyl elkeen van ons met daaglikse aktiwiteite besig is, mag ons saam met Prediker dink: Watter voordeel het die mens van al sy moeite waarmee hy hom vermoei onder die son? Geslagte kom en geslagte gaan, maar die wêreld bly altyd dieselfde.  Die son kom op, die son gaan onder, en dan haas hy hom weer na waar hy opkom…  Wat was sal weer wees; en wat gebeur het, dit sal weer gebeur.  Daar is glad niks nuuts onder die son nie... En selfs erger:  Ek het die lewe gehaat, want alles wat in hierdie wêreld gebeur het, het vir my sleg afgeloop. Alles kom tot niks, dit is ‘n gejaag na wind…Laat Prediker ons met hierdie ontnugterde uitkyk op die lewe? Ek glo nie so nie, want hy sluit af soos volg:  Dien God en gehoorsaam sy gebooie. Dit is wat van die mens gevra word. God sal rekenskap eis oor alles wat gedoen word, en ook wat in geheim gedoen word, of dit goed is of kwaad. As ons nou hierdie woorde in die lig van die hele Openbaring lees, weet ons dat om God se gebooie te onderhou eerstens beteken om na die stem van Sy geliefde Seun Jesus-Christus te luister wat ons lewens met betekenis vul. Hy alleen, deur die krag van die Heilige Gees kan dit vernuwe en ons daaglikse aktiwiteite in die Koningkryk van God betekenisvol maak. Daarbenewens weet ons dat wanneer God elke daad sal beoordeel, is dit ook Sy Seun wat as oppermagtige regter oor sy skepsels sal oordeel. In sy eie woorde (Matteus 28:18-20): Aan My is alle mag gegee in die hemel en op die aarde. . Nou, om God te vrees en sy gebooie te onderhoud (aldus Prediker), verwys ook na Jesus se opdrag wat hier volg:  Daarom gaan en maak dissipels van alle nasies, doop hulle in die naam van die Vader, en die Seun en van die Heilige Gees, en leer hulle om alles te gehoorsaam wat ek hulle beveel het

So, in hierdie opsig , is daar enigiets waarvan ons kan sê,  “Kyk! Dit is iets nuuts”? Na ‘n geseënde maand gespandeer in Europa, waartydens ek nuwe en ou bande met vennote in die sendingveld kon ontwikkel, en van die kulturele en intellektuele klimaat wat ek mis hier in Afrika kon inadem, het ek ‘n verrassing gehad toe ek ‘n epos van een van my Kongolese korrespondente in Kisangani - ‘n belangrike stad in die Noordelike deel van hierdie groot Afrika land – ontvang het: Elie T. is ‘n evangelis betrokke by die plaaslike Gereformeerde kerk, gretig om die Evangelie na die armste van die armes waar hy bly te bring (straat kinders, prostitute, HIV geteisterde mense…)  Hy het my ingelig dat hy onlangs ‘n afgevaardigde van ‘n Pigmee groep wat in die Ekwatoriale woud ongeveer 350 km suid van Kisangani bly, waar geen naam van ‘n dorp of stad op enige kaart beskikbaar verskyn nie, ontvang het. Hierdie mense leef deur te jag, soos ek raai hulle voorgeslagte ook vir duisende jare reeds gedoen het. Hierdie afgevaardigde het hom versoek om aan hulle die bediening van Reformed Faith and Life te bring… Hierdie is iets nuuts, sal u mee saamstem?! Hoe op aarde kan ‘n pigmee groep van ongeveer vyfhonderd mense wat op die mees tradisionele wyse in die Ekwatoriale woude leef, van RFL se bediening te hore gekom het?  Elie het tydens een van sy uitreikaksies aan hulle ‘n bandjie (plus ‘n bandspeler) gegee; op hierdie bandjie het hy in die plaaslike taal ‘n boodskap voorberei deur RFL opgeneem, en hulle is so ernstig daaroor dat hulle ‘n verteenwoordiger 350 km ver te voet stuur om hom te kom vra of hulle nog soortgelyke boodskappe kan ontvang…

As daar op hierdie planeet ‘n groep mense is wat weerloos, arm en blootgestel aan wreedheid en uitbuiting is, glo ek dat die oorblywende Pigmee van Sentraal Afrika hierdie mense is; tot die mate dat eise van volksmoord voor die VN gebring is, om nie eers die gevalle van kannibalisme teen hulle te noem nie (sommige gewapende rebelle groepe in die ooste van die DRK glo dat om hulle vlees te eet magiese kragte inhou…)     Verdryf uit hulle tradisionele omgewing (die woud wat aan hulle daaglikse behoeftes voorsien en daagliks verklein as gevolg van oorontginning en die onversadige soeke na minerale bronne), word hulle geforseer om nader aan die dorpe van hulle grote mede Afrikane te bly. Laasgenoemde misbruik hulle as slawe en vergoed hulle feitlik glad nie vir hulle arbeid nie.

So, liewe vennote in die sending, daar is ‘n nuwe veld vir die bediening van RFL. Wil u ook deel wees hiervan? Hoor u ook weer opnuut die opdrag van ons Heer Jesus-Christus aan sy dissipels:  Gaan dan na al die nasies toe en maak die mense my dissipels:  doop hulle in die Naam van die Vader, en die Seun en die Heilige Gees, en leer hulle om alles te onderhou wat ek julle beveel het  ?   

Sonder u toegewyde ondersteuning en gebede, sal hierdie nuwe uitreik plus die bestaande aksies, onmoontlik wees om uit te voer. Terwyl ek onlangs besig was om ‘n reeks radio programme vir kinders uit die boek Daniël voor te berei was ek weer geraak toe ek die volgende gedeelte lees (12:2-3): Baie van dié wat ontslaap het, sal uit die graf opstaan, party tot die ewige lewe en party tot ewige skande en veragting. Die verstandige leiers sal skitter met die glans van die hemel self, en die wat baie mense op die regte pad gelei het, sal vir altyd skitter soos die stere.

Is dit nie ons gemeenskaplike roeping, as liggaam van Christus, om menigte na die geregtigheid te lei nie? Mag ons eendag skitter met die glans van die hemel self, ja mag ons soos die sterre skitter, vir ewig en ewig, tot eer van ons Drie-enige God.

In Sy naam

Ds. Eric Kayayan