Die Franse Radiobediening bestaan sedertien einde 1998 en
het vandat dit begin het, sy veld van uitsendings en die omvang van sy
betrokkenheid in die Franssprekende wêreld baie uitgebrei.
Die mees onlangse van hierdie uitbreidings het betrekking tot Quebec, die
Franssprekende provinsie van Kanada. Uitsendings
het einde verlede jaar daar begin, wel op ‘n klein skaal, maar reeds met
positiewe terugvoer van luisteraars. Die
moontlikheid om op Quebec City nog meer betrokke te raak blyk ‘n goeie
moontlikheid te wees, dié keer d.m.v. ‘n spesifieke Christelik-Gereformeerde
radiostasie wat van die Kanadese owerhede toestemming gekry het om op die lug te
kom. RFL se programme is in
aanvraag, en die modaliteite van die uitsaai hiervan word tans met die direkteur
van dié stasie bespreek.
In Wes-Afrika wag ons om te hoor dat TransWêreldRadio se medium golf
uitsender in Parakou (sentrum van Benin) operasioneel word (dit behoort om binne
‘n paar maande te wees). Die
mediumgolfband lisensie wat
‘n Ander veld wat tans aandag geniet, is die eiland Haiti in die Wes-Indieë
(daar is reeds een stasie met die naam Radio Lumière wat RFL se programme
gereeld gebruik): die Orthodox Presbyterian Church (‘n Noord-Amerikaanse
kerkverband wat elke jaar ‘n verteenwoordiger stuur by RFL se jaarlikse
vergadering in die VSA) stel belang om met RFL saam te werk rondom Haiti, omdat
hulle op daardie eiland enkele sendelinge het.
Die uitbreiding van die uitsendings van RFL het natuurlik gevolge op
plaaslike vlak. Dikwels dien die
radioprogramme as enigste bron van Christelike onderrig, bemoediging en
vertroosting vir die plaaslike bevolking wat daarna luister.
Daar is nie sendelinge of predikante wat jong gelowiges kan bearbei of
versorg nie. Die kudde is
daar, maar daar is nie ‘n herder nie...
Dit is in besonder die geval in die ooste van die Demokratiese Republiek
van die Kongo, ‘n oorlogsgeteisterde gebeid vir baie jare, wat baie stadig
‘n maat van vrede en stabiliteit begin bereik.
RFL se samewerkers in die hoofstad Kinshasa en in die suidelike provinsie
van die Shaba word deur hulle geloofsgenote in die Ooste dringend gevra om hulle
te kom besoek sodat daar op ‘n meer persoonlike vlak onderrig kan plaasvind,
en ouderlinge bevestig kan word. Sover
moontlik probeer RFL sodanige pogings ondersteun, want dit kan lei tot die
stigting van nuwe gemeentes: so word die koms van die Koninkryk van God op aarde
ook al hoe meer sigbaar. Die
moontlikheid om RFL se uitsendings in daardie gebied verder uit te brei hang ook
af van so ‘n besoek (onlangs het RFL wel op die lug gekom in Kisangani, een
van die grootste stede in die noord-ooste van die Kongo, te danke aan die
bemiddeling van ons samewerkers in Kinshasa).
Om hierdie reis en verblyf van bevestigde ouderlinge en predikante van die
Gereformeerde Kerk in die Kongo na die ooste van die land moontlik te maak, moet
tog fondse beskikbaar gestel word. Op
hierdie stadium word R7000 benodig om twee broers soon toe te stuur.
Sal Gereformeerde gemeentes in Suid Afrika dit nie oorweeg om hierdie
belangrike sendingreis moontlik te maak, sodat die lig van Christus in hierdie
donker gebied ook kan skyn?