Februarie  2006

Geagte vriende van  “Foi et Vie Réformées”

Niger is ‘n land in Wes-Afrika  waarvan min mense kennis van neem, desondanks sy redelike grootte (dit is tweekeer groter as Frankryk).  Met minder as 12 miljoen inwoners (waarvan 80 % Moslems is) word dit oorskadu deur sy sterk suidelike buurland, naamlik die oorwegend Engelssprekende Nigerië wat ryk is in olievoorraad asook onrus.  Niger haal die nuus gewoonlik wanneer die beroemde Parys-Dakar wedren elke jaar plaasvind, maar ook soms wanneer rampe die inwoners tref.  Verlede jaar was die ongekende droogte een daarvan en het waarskynlik die dood van ongeveer agthonderdduisend mense tot gevolg gehad....   In 2005 was Niger geklassifiseer as die armste land in die wêreld.    Is Niger deur almal vergeet, selfs deur die Skepper Homself ? 

Ek het nog nooit ‘n brief uit Niger ontvang nie tot verlede jaar toe daar wel een opdaag van ‘n luisteraar wat op die grens tussen Niger en Burkina-Faso woon.  Hy sê dat hy gereeld na uitsendings van “Reformed Faith and Life” (“RFL”)  op Sondagaande en Dinsdagaande luister.  Die Dinsdagaand uitsendings sê hy is die een  wat op  SW (kortgolf) deur FEBA Radio vanaf die eiland Ascension uitgesaai word.  Sedert die aanvang van die samewerking met FEBA Radio drie jaar gelede, het ons baie briewe van ander mense wat andersins baie moeilik bereikbaar was, ontvang, veral uit hierdie deel van Afrika.  Selfs meer opspraakwekkend was die verwysing van my luisteraar dat hy elke Sondagaand na RFL luister.  Ek was nie daarvan bewus dat enige FM stasie in Niger   RFL uitsaai nie.  Ek het vinnig besef dat so ‘n plaaslike stasie die seine ontvang en heruitsaai wat via sateliet elke Sondagaand vanaf die Indiese oseaan uitgestuur word.  Daar mag dalk ander plaaslike stasies in hierdie gebied wees wat ook op satelietuitsending inskakel sonder dat ek daarvan bewus is.  Ek het dit slegs besef toe my nuwe vriend uit Niger dit slegs maar terloops in sy brief genoem het.  In die tussentyd het ek ook nog ander briewe van hom ontvang waarvan een die volgende ontstellende inligting weergee :   Niger word oorval met anti-Christelike lektuur wat vanaf ‘n baie aktiewe sentrum vir Islam propaganda wat in Durban gesetel is, gestuur word.  My ontstelde korrespondent het my gevra hoe so ‘n toestand teengewerk kan word….

Later in die jaar het ek die geleentheid gehad om meer te wete te kom oor die geloofsituasie in Niger toe ek Noord Amerika besoek het.  Daar het ek ‘n jong pastoor uit Niger ontmoet wat hom daarop toelê om die Woord van God deur middel van radio in sy moederland te versprei.  Ons het lang gesprekke gehad en hy het gevra om die materiaal wat deur RFL voorsien word, te gebruik.  Dit blyk dat die nasionale beleid in Niger is dat geen Moslem of Christelike radio daar mag opereer nie, dit terwyl ongeveer sewentig gemeenskapsradios alreeds beide Christelike en Moslem programme van tyd tot tyd uitsaai.  Hy het ook met kommer aan my genoem dat radikale Moslem elemente wat vanaf die twee state van Nigerië waar die Shari’a (Moslem Wet) streng toegepas word, ‘n projek begin het om in die dorpies van Niger op die grens tussen die twee lande hulle Islamitiese handelsmerke te vestig…

Is Niger dan ‘n land deur God vergeet ?   Sekerlik nie, sover as wat dit ons roeping is om die Evangelie daar te verkondig met die weë wat deur die Heilige Voorsienigheid tot ons beskikking gestel het.  Die Soewereine God het ons Kerk opdrag gegee om Sy Koninkryk tot in die verste wêrelddele te proklameer.  As deelgenote in hierdie roeping het ek en jy hierdie opdrag ontvang.   Sonder jou konkrete ondersteuning kan RFL nie hierdie opdrag na Niger of elders uitvoer nie.  Baie dankie vir jou betroubare bystand en deelname.

Ds Eric Kayayan