Junie2007

Liewe vennote in die sending

Wat is die impak wat radio uitsendings op mense kan uitoefen?  Kan dit die massas bereik of raak dit slegs enkele individue? Is radio ‘n effektiewe medium vir kommunikasie, veral in Afrika? Kan dit enige reaksie ontlok? Hierdie is dalk vrae wat u vra as u ondersteuning van ‘n radiobediening soos Reformed Faith and Life oorweeg.  Dink ‘n bietjie oor die volgende: In 1994 is herhaalde versoeke deur “Radio-des-mille-collines” (Radio-van-die-duisend-heuwels) in Kigali, die hoofstad van die klein Oos-Afrika land Rwanda, uitgesaai om etniese komponente van die Rwandese bevolking uit te roei.  Die resultaat? Tussen vyfhonderd- en agthonderdduisend mans, vroue en kinders is vermoor: dit staan vandag algemeen as ‘n volksmoord bekend. Radio uitsendings wat haat en geweld aangemoedig het was hoofsaaklik instrumenteel in hierdie misdaad teen die mensdom. As hierdie uitsendings so kragtig kon wees en ‘n negatiewe invloed op ‘n hele bevolking gehad het, des te meer moet uitsendings wat die Evangelie van versoening met God verkondig, ondersteun word en op die lug geplaas word waar die geleentheid hom voordoen…  Hoekom moet ‘n kragtige medium van kommunikasie in die hande van die goddeloses gelaat word?  

Die waarheid is dat baie Christen omroepers op die lug is, veral op kortgolf (u kan gereeld saans programme geproduseer en uitgesaai vanuit die VSA hoor). Baie is getrou aan die Openbaring van die Ware God en ander verdraai willens en wetens die waarheid. Deur op die lug te wees en te preek vir so baie mense oor lande en selfs kontinente heen is ‘n baie groot verantwoordelikheid: Wanneer Christus terugkeer om die lewende en dooies te oordeel, sal Hy verantwoording vra van hulle aan wie Hy sy boodskap toevertrou het waarin Hy en Sy Koningkryk die middelpunt en die fokuspunt is, en nie die prediker en sy eie idees of gevoelens nie. Hierdie Koninkryk is die enige universele gesag wat deur die wil van die Vader vooruitbestem is om vir ewig te regeer.

Hoe kan die Koninkryk en nasionale politiek bymekaar uitkom? Frankryk het reeds vir ‘n paar weke ‘n nuwe president en ‘n swaar gelaaide program van sosiale en ekonomiese hervorming is gereed om af te skop. Sal die doelwitte gestel deur die president en sy span bereik word? Dit is veel gevra van my om hieroor kommentaar te lewer en my voorkeure en opinies hier weer te gee. As ‘n Christelike radio omroeper weet ek een ding: korttermyn hervorming bring korttermyn resultate. Iets baie dieper is daarenteen nodig om ‘n land in diepte te hervorm en op ‘n nuwe pad te plaas. Die bewuswording dat ons eie lewens hieronder die ewige lewe as doelwit het en dat die ewige lewe slegs in Christus en Sy Koninkryk gevind kan word is van kardinale belang. As hierdie bewuswording (niks meer as ‘n bekering) plaasvind, begin ons ons kortermyn aksies in ‘n baie anderse manier visualiseer. Dan begin die kulturele, sosiale en ekonomiese lewe van ‘n land geleidelik transformeer. Hierdie is nie ‘n mite nie, die geskiedenis van sommige nasies wat deur die Reformasie in die 16^e eeu getransformeer is, bewys dit. Vandag bly die uitdaging dieselfde. Dit is hoekom Frankryk sowel as Haïti of Rwanda die veld van proklamasie van die bevrydende Boodskap van Christus moet bly.

Dit is om hierdie rede dat radio uitsendings is nodig om soveel mense te bereik as wat God wil toelaat. Wil u steeds hierdie werk ondersteun ter wille van van God se ewige Koninkryk?

In Sy naam

Ds. Eric Kayayan